Milyarder iş adamı İlon Mask hesab edir ki, süni intellektin (AI) inkişafı plana uyğun getməsə, bəşəriyyət məhv ola bilər.
Lent.az xəbər verir ki, bu barədə "Daily Star" məlumat yayıb.
"Tesla"nın 51 yaşlı CEO-su bu günlərdə texnologiyanın inkişafından narahatdır. Maskın fikrincə, texnoloji “sıçrayış”ının həyatımızı ciddi şəkildə yaxşılaşdıracağı və bizə bolluq erası verəcəyi ehtimalı güclüdür.
Eyni zamanda, o, "nəyinsə səhv gedəcəyini və insanlığı məhv edəcəyini" istisna etmir. İş adamı “iki ağızlı qılınc” adlandırdığı yeni texnologiyalar kontekstində gələcəyi proqnozlaşdırmağın nə qədər çətin olduğunu vurğulayıb:
“Ümid edirəm ki, bu şans kiçikdir, amma sıfır deyil. Ona görə də mən hesab edirəm ki, biz süni intellektdə nəyinsə səhv getməsi şansını minimuma endirmək üçün ağlımıza gələn hər hansı tədbiri görmək istəyirik”.
Qeyd edək ki, Mask "OpenAI"nin həmtəsisçisi olub və əvvəlcə süni intellekt texnologiyalarının cəmiyyətə tətbiqinin tərəfdarı olub. Lakin zaman keçdikcə o, şirkəti tərk edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
