Söhbət edə biləcəyiniz ağıllı velosiped istehsal olundu

Çin istehsalçısı Urtopia, ChatGPT söhbət botu üçün daxili dəstəyi olan “Fusion” elektrik velosipedini təqdim edib.

Lent.az xarici KİV-ə istinadla bildirir ki, “Fusion”un velosiped sürərkən süni intellektlə qarşılıqlı əlaqədə unikal təcrübə təmin etdiyi deyilir. Daxili ChatGPT istifadəçi ilə təbii söhbəti dəstəkləməyə, marşrut məlumatı təqdim etməyə, şəraitdən və təlim məqsədlərindən asılı olaraq velosiped parametrlərini uyğunlaşdırmağa qadirdir.

Bundan əlavə, “Fusion” Strava və Apple Health kimi məşhur idman proqramları ilə uyğun gəlir. Müxtəlif sağlamlıq və fitnes göstəricilərini izləməyə imkan verir. Velosipeddə quraşdırılmış GPS izləyicisi də var.

İstehsalçı iddia edir ki, Urtopia “Fusion” velosipedçilərin qarşılıqlı əlaqə tərzini dəyişdirən, həmin nəqliyyat vasitələrini daha maraqlı və effektiv məşqlər üçün şəxsi köməkçiyə çevirən sənaye yeniliyidir.

ChatGPT ilə elektrik velosipedinin qiyməti və satışının başlama tarixi hələ dəqiqləşdirilməyib.