Qeyri-adi sıxlığı olan yeni Yer planeti kəşf edildi

NASA-nın TESS peyki qeyri-adi dərəcədə aşağı sıxlığa malik yeni Yer tipli ekzoplanet kəşf edib.

Lent.az xarici mediaya istinadla bildirir ki, TOI-244 b ekzoplanetini tranzit metodundan istifadə etməklə tapmaq mümkün olub. Bunun mahiyyəti ulduzların iri göy cisimlərinin fonunda keçidi ilə əlaqədar onların parlaqlığının aşağı düşməsini müəyyən etməkdir. Beləliklə, elm adamları qırmızı cırtdan TOI-244-ün işıq əyrisində tranzit siqnalı aşkar edə biliblər. Planetar təbiəti VLT teleskopunda quraşdırılmış ESPRESSO spektroqrafından istifadə edərək alimlər tərəfindən aparılan radial sürətin ölçülməsi ilə təsdiqlədi. Araşdırmalar Çilidə yerləşən Avropa Cənub Rəsədxanasında aparılıb.

Tədqiqatçıların fikrincə, TOI-244 b-nin radiusu Yerdən 1,52 dəfə, kütləsi isə 2,68 dəfə çoxdur. Alimlər müəyyən ediblər ki, ekzoplanetdə Yerə oxşar nisbətlərdə dəmir və silikatlar var. Lakin eyni zamanda o, oxşar ölçülərdə olan əksər super Yerlərdən daha az sıxdır. Mütəxəssislərin fikrincə, TOI-244 b-nin aşağı sıxlığı çoxlu sayda uçucu elementlərin olması ilə bağlıdır.