"Google" istifadə olunmayan hesabları silinəcək

"Google" uzun müddət istifadə olunmayan hesabları siləcək.

Lent.az xəbər verir ki, bu barədə “Reuters” məlumat yayıb.

Şirkət məlumat təhlükəsizliyi və haker hücumlarının qarşısını almaq üçün belə bir addım atdıqlarını izah edib.

Amerikanın “Google” korporasiyası dekabr ayından iki ildir istifadə olunmayan hesabları silməyə başlayacaq.

Əgər “Google” hesabı iki və ya daha çox il ərzində istifadə olunmayıbsa və ona giriş yoxdursa, o, “Google Workspace”də əlaqəli məlumatlar ilə birlikdə silinə bilər. Bu o deməkdir ki, yeni siyasət “Gmail”, “Sənəd”, “Disk”, “Randevular” və “Təqvim”, həmçinin “YouTube” və “Google Foto”dakı hesablara və dataya təsir edəcək.

"Bundan sonra silinmə riski ilə üzləşən qeyri-aktiv hesablar “Google”dan hesabın əsas və ehtiyat e-poçt ünvanlarına xəbərdarlıq mesajları alacaq", - şirkət xəbərdarlıq edib.

Eyni zamanda, dəyişikliklər yalnız şəxsi “Google” hesablarına şamil edilir. Şirkətlər və ya universitetlər kimi təşkilatların hesablarına deyil.