“Apple” yeni qadcetlərini təqdim edəcək

“Apple”ın çərşənbə axşamı hansı yeni qadcetləri təqdim edəcəyi məlum olub.

Lent.az xarici mediaya istinadən xəbər verir ki, oktyabrın 30-dan 31-nə keçən gecə “Apple” “Qorxulu Sürət” şüarı ilə 2023-cü ilin ikinci payız təqdimatını keçirəcək.

Əvvəlki tədbir sentyabr ayında baş tutmuşdu və sonra bizə yeni “iPhone”lar, ağıllı saatlar və qulaqlıqlar təqdim olundu.

Yeni cihazlardan biri “Apple M3” prosessordur. Yeni çiplər ailəsi M2 ilə eyni quruluşa sahib olacaq. Yəni bu dörd yüksək performanslı və dörd enerjiyə qənaət edən nüvə deməkdir. Həmçinin, 10 nüvəli GPU da olacaq.

İlk M3 kompüteri 2011-ci ildən bəri yenilənməmiş “iMac” olacaq. O, eyni 24 düymlük model olacaq və mövcud versiyalarla demək olar ki, eyni görünəcək. Bununla belə, stend yəqin ki, yenilənəcək.

USB-C konnektorlarına daha geniş keçid çərçivəsində şirkət “iMac” aksesuarlarını yeniləyəcək. “Magic Mouse” və “Magic Keyboard” köhnə “Lightning”dən imtina edəcək.

14 düym və 16 düymlük “MacBook Pro” da təqdim olunan cihazlar arasındadır. Noutbuklar hazırkı modellərlə demək olar ki, eyni olacaq. Ancaq daha güclü M3 Pro və M3 Max prosessorları ilə təchiz olunacaqlar. “Apple” həmçinin daha parlaq və enerjiyə qənaət edən miniLED displeylərlə nümayiş olunacaq.

Təqdimatda planşetlər və qulaqlıqlar olmayacaq. Məlumata görə, onlar gələn ilin yazında yenilənəcək. Beləliklə, oktyabr tədbirində “MacBook Pro”nun iki modeli, “iMac” və onlar üçün aksessuarlar görəcəyik.