Tovuzda Heydər Əliyevin anadan olmasının 92-ci ildönümü keçirilib

Tovuzda ümummilli lider Heydər Əliyevin anadan olmasının 92-ci ildönümü yüksək səviyyədə qeyd edilib. Lent.az-ın məlumatına görə, rayon icra hakimiyyətinin başçısı Tofiq Zeynalov, Milli Məclisin deputatı Qənirə Paşayeva , ictimaiyyət nümayəndələri Heydər Əliyev parkında onun abidəsi önünə çiçək dəstələri qoyaraq, dahi şəxsiyyətin xatirəsini ehtiramla anıblar.Tədbirdə rayon icra hakimiyyətinin başçısı Tofiq Zeynalov, Milli Məclisin deputatı Qənirə Paşayeva və başqaları çıxış edərək Heydər Əliyevin müstəqil Azərbaycan dövlətinin qurulması, müstəqilliyinin qorunub saxlanılması istiqamətindəki xidmətlərindən söz açıblar. Diqqətə çatdırılıb ki, bu gün H. Əliyevin siyasi kursu prezident İlham Əliyev tərəfindən uğurla davam etdirilir və Azərbaycan sürətli inkişaf mərhələsini yaşayır. Sonra Qənirə Paşayevanın rəhbərlik etdiyi Avrasiya Beynəlxalq Araşdırmalar İnstutu İB və rayon icra hakimiyyətinin təşkilatçılığı ilə Azərbaycanın əməkdar artisti Aybəniz Haşımovanın, istedadlı gənc müğənillər Vəli Səfərov və yerli sənətçilərin konsert programı keçirilib. Minlərlə rayon sakininin iştirakı ilə keçirilən tərbirin sonunda Aybəniz Həşımova və qonaqlara qədim musiqi aləti saz hədiyyə olunub.