Şəmkirdəki Qələbə günü qeyd edilib

Şəmkir rayonunda faşizm üzərində qələbənin 70 illiyinə həsr olunmuş bayram tədbiri keçirilib. Lent.az-ın məlumatına görə, tədbirdə iştirak edən Şəmkir rayon İcra Hakimiyyətinin başçısı Alimpaşa Məmmədov, “N” saylı Şəmkir Hərbi Birləşməsinin komandiri, Milli qəhraman, general-leytenant Rövşən Əkbərov, rayonun hüquq mühafizə orqanlarının və idarə və müəssisələrin rəhbərləri və rayon ictimaiyyətinin nümayəndələri 1941-1945-ci il II Dünya Müharibəsi iştirakçılarının şərəfinə ucaldılmış abidənin önünə gül dəstələri qoyub.

Tədbirin rəsmi hissəsində çıxış edən Şəmkir rayon İcra Hakimiyyətinin başçısı Alimpaşa Məmmədov müharibə veteranlarının keçdiyi ağır döyüş yolundan söz açıb, faşizm üzərində qələbənin əldə olunmasında Azərbaycanlıların xüsusi qəhrəmanlığını vurğulayıb. Diqqətə çatdırılıb ki, ümummilli lider Heydər Əliyevin müharibə veteranlarına hər zaman göstərdiyi xüsusi diqqət və qayğı bu gün prezident İlham Əliyev tərəfindən layiqincə davam etdirilir.ə

Çıxış edən digər natiqlər II Dünya müharibəsində gedən ağır döyüşlərdə Azərbaycanlıların sücaətlərindən geniş söz açıb.

Tədbir bədii hissə ilə davam etdirilib.