Saxta ətirlərlə bağlı yoxlamalar başladı
19 sentyabr 2013 17:09 (UTC +04:00)

Saxta ətirlərlə bağlı yoxlamalar başladı

Dövlət Xidməti istehlakçıları ətir alarkən diqqətli olmağa çağırdı

 

 

Bakıda saxta ətir satışının qarşısının alınması istiqamətində yoxlamalar başlayıb.

 

İqtisadi İnkişaf Nazirliyinin İctimaiyyətlə əlaqələr sektorundan Lent.az-a verilən məlumata görə, İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən Bakı şəhəri, Nəsimi rayonu, S. Rəhimov küçəsi, ev 201 ünvanında fəaliyyət göstərən fiziki şəxs Əliyev Ruslan Vaqif oğluna məxsus mağazada aparılan yoxlama zamanı “EVOHA” əmtəə nişanının təqlidi olan və üzərində “EAU DE PARFUM” sözləri yazılmış saxta ətirlərin satışı aşkar edilərək satışdan çıxarılıb.

 

Dövlət Xidmətinin araşdırmaları zamanı “EVOHA” əmtəə nişanının sahibi tərəfindən istehsal olunan ətirlərin etiketində “EAU DE PARFUM” sözlərinin yazılmadığı müəyyən edilib. Saxta mallar satmaqla haqsız rəqabətə yol verdiyinə görə Dövlət Xidməti tərəfindən fiziki şəxs Ruslan Əliyev barəsində antiinhisar qanunvericiliyinin tələblərinin pozulması əlamətləri üzrə iş qaldırılıb.

 

Dövlət Xidməti  istehlakçılara ətir alarkən diqqətli olmağı, üzərində “EAU DE PARFUM” (ətirli su) sözləri yazılmış “EVOHA” əmtəə nişanlı ətirləri almamağı tövsiyə edir. İstehlakçılardan bu cür saxta ətirlərin satışı ilə rastlaşdıqda, 498-15-01 və 498-15-04 nömrəli telefonlarla Antiinhisar Siyasəti və İstehlakçıların Hüquqlarının Müdafiəsi Dövlət Xidməti və İqtisadi İnkişaf Nazirliyinin 195-2 Telefon Məlumat Mərkəzinə məlumat vermələri xahiş olunur.

# 1145
avatar

Oxşar yazılar