Sabah hava necə olacaq? - PROQNOZ
27 iyul 2014 15:38 (UTC +04:00)

Sabah hava necə olacaq? - PROQNOZ

Ramazan bayramının ilk günündə Azərbaycanda hava, əsasən, yağmursuz keçəcək.

Lent.az-ın məlumatına görə, Ekologiya və Təbii Sərvətlər Nazirliyinin Milli Hidrometeorologiya Departamentindən Trend-ə bildirilib ki, iyulun 28-də Bakıda və Abşeron yarımadasında havanın dəyişkən buludlu olacağı, arabir tutulacağı gözlənilir.
 
Temperaturun gecə 20-25° isti, gündüz 27-32° olacağı gözlənilir.
 
Abşeron çimərliklərində dəniz suyunun temperaturu Sumqayıt, Novxanı, Pirşağı, Nardaran, Bilgəhdə 23-24° isti, Zuğulba, Mərdəkan, Şüvəlan, Buzovnada 24-25° isti, Türkan, Hövsan, Şıx, Sahildə isə 25-26° isti olacaq.
 
Azərbaycan rayonlarında hava, əsasən, yağmursuz keçəcək. Lakin gecə və axşam bəzi yerlərdə şimşək çaxacağı, yağış yağacağı ehtimalı var.
 
Havanın temperaturunun gecə 18-23° isti, gündüz 31-36° isti olacağı, dağlarda gecə 15-20° isti, gündüz 23-28° isti olacağı gözlənilir.
# 2322
avatar

Oxşar yazılar