Regionların innovativ sosial-iqtisadi inkişafına dair konfrans keçirilib

Azərbaycan Əmək və Sosial Münasibətlər Akademiyası və AMEA Elmi İnnovasiyalar Mərkəzinin birgə təşkilatçılığı ilə Heydər Əliyevin anadan olmasının 92 illiyinə həsr olunmuş “Regionların innovativ sosial-iqtisadi inkişafı: reallıqlar və perspektivlər” mövzusunda respublika elmi-praktiki konfransı keçirilib.

APA-nın xəbərinə görə, 26 elm və təhsil müəssisəsinin qatıldığı tədbiri Əmək və Sosial Münasibətlər Akademiyasının rektoru Hüseyn Qaraşov açaraq, Heydər Əliyevin fəaliyyəti, düşünülmüş dövlətçilik siyasəti, ictimai həyatın bütün sahələrində apardığı islahatların əhəmiyyəti, xalqımızın rifah tərzinin yüksəlməsinə istiqamətlənmiş məntiqli sosial-iqtisadi siyasətindən və hazırda bu kursun cənab prezident İlham Əliyev tərəfindən uğurla davam etdirilməsindən danışıb.

Plenar iclasda AMEA Elmi İnnovasiyalar Mərkəzinin baş direktoru, hüquq üzrə fəlsəfə doktoru Azər Namazov, AMEA Elmi İnnovasiyalar Mərkəzinin nəzdindəki Təhsil-Tədris Mərkəzinin direktoru, iqtisad üzrə elmlər doktoru, professor Təbriz Əliyev, Əmək və Sosial Münasibətlər Akademiyasının “Sosial tərəfdaşlıq, həmkarlar ittifaqı hərəkatı və humanitar fənlər” kafedrasının müdiri, fəlsəfə üzrə fəlsəfə doktoru, dosent Zeynəddin Şabanov, “Ümumi iqtisadiyyat” kafedrasının müəllimi, iqtisad üzrə fəlsəfə doktoru Nurəngiz Mikayılova, tələbələrdən Hilalə Hasilova, Pərvin Əhmədli və Şahin Cəfərov müxtəlif mövzularda məruzələr ediblər.