“Media İnkişaf Mərkəzi” İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə “Qeyri-Hökumət Təşkilatlarında “Media günləri”nin təşkili” layihəsinin icrasına başlayıb.
Lent.az-ın verdiyi məlumata görə, üç ay ərzində həyata keçiriləcək layihədə məqsəd QHT-lərlə media arasında əlaqələri yaxşılaşdırmaq, bu iki institutun təmsilçilərini bir-birinin fəaliyyət xüsusiyyətləri ilə yaxından tanış etmək və qarşılıqlı münasibətləri gücləndirməkdir.
Müəyyən edilmiş ardıcıllıq üzrə QHT-lərdə üç günlük “Media günləri”nin keçiriləcək.
Beləliklə, QHT və media institutlarının öz problemlərini qarşılıqlı şəkildə öyrənmək imkanı yaranacaq və qarşılıqlı məsləhətləşmələr yolu ilə ortaya çıxmış təkliflərin gerçəkləşməsinə çalışılacaq.