Orta məktəblərdə ixtisaslaşdırılmış ödəniş sistemi tədbiq oluna bilər

“Təhsil sahəsinin inkişafı və bu sahədə çalışan insanların fəaliyyəti dövlətin hər zaman diqqətindədir. Məhz prezident İlham Əliyevin göstərişlərinə uyğun olaraq bu istiqamətdə bir sıra addımlar həyat keçirilib və müəllimlərin, tələbələrin əmək haqları, təqaüdlərinin artırılması istiqamətdə müəyyən addımlar atılıb. Gələcəkdə bu qəbuldən olan islahatların həyata keçirilməsi niyyətindəyik”. Lent.az-ın xəbərinə görə, bunu təhsil naziri Mikayıl Cabbarov bu gün yeni dərs ilinin başlanması münasibəti ilə Azərbaycan Dövlət Pedaqoji Universitetinin tələbələri ilə görüşündə deyib. O bildirib ki, artıq orta məktəblərdə ixtisaslaşdırılmış ödəniş sisteminin tədbiqi barədə düşünülməlidir. Onun sözlərinə görə, müəllim peşəsinə başlayn hər bir insanın qarşısında stimullar və səbəblər olnmalıdır. Müəllimlik peşəsini seçənlərin həvəsləndirilməli olduğunu deyən nazir qeyd edib ki, onlar öz peşəkar səviyyəsini artırmalıdır: “Öz peşəsini sevən və sevməyən müəllimlər arasında nəinki cəmiyyət, təhsil müəssisələri tərəfindən münasibət, həmçinin, dövlət tərəfindən onlara verilən əmək haqlarında da fərq öz əksini tapmalıdır. Müəllimlərin daimi peşəkar inkişafını təmin edən mexanizmlərin tədbiq olunması sahəsində dövlət tərəfindən addımlar elə formada atılmalıdır ki, müəllimlər öz peşəkar ixtisasının artırmasında özləri maraqlı olsunlar və gündəlik fəəliyyətlərində bunu tədbiq edə bilsinlər. Bütün bu və digər problemlər Təhsil Nazirliyi tərəfindən düşünülür. Bütün bu problemlərin gələcəkdə həllinə nail olunacaq. Tələbələrdən də tələb olunur ki, onlar öz ixtisaslarında peşəkar olsunlar. Cəmiyyətin səviyyəsi, əhalinin rifaq səviyyəsi, coğrafi yerlərdən asılı olmayaraq müəllim peşəsinin adı və ona məxsus keyfiyyətlər qorunub saxlanmalıdır”.