Multikulturalizm Mərkəzi milli icmalara dəstəyini davam etdirir

“AKORD” jurnalının bu günlərdə işıq üzü görən 17-ci sayı Bakı Beynəlxalq Multikulturalizm Mərkəzinin dəstəyi ilə nəşr edilib. Azərbaycan Bolqarıstan Dostluğunun İnkişafına Yardım İctimai Birliyinin təsisçisi olduğu jurnalın bu sayı Azərbaycan Respublikasının Prezidenti İlham Əliyevin Bolqarıstan Respublikasına səfərinə həsr edilib. Oxuculara Azərbaycan Bolqarıstan dostluq münasibətləri, Azərbaycanın dahi mütəfəkkirləri, Bakı Beynəlxalq Multikulturalizm Mərkəzinin fəaliyyəti, həyata keçirdiyi layihələr barədə də geniş məlumat verilib.

Bakı Beynəlxalq Multikulturalizm Mərkəzi multikulturalizmin və tolerantlığın həyat tərzinə çevrildiyi Azərbaycanda mədəni, dini müxtəlifliyin tolerant əsaslarını qorumaq və inkişaf etdirmək məqsədi ilə gələcəkdə də bu kimi layihələrə dəstək göstərilməsini davam etdirəcəkdir.