Son illər dünyaya gələn qeyri-adi ev heyvanları ilə tez-tez rastlaşırıq.
Lent.az-ın məlumatına görə, budəfəki hadisə Lənkəran rayonunun Zövlə kənd sakini, 54 yaşlı İltifat Kazımovun fərdi təsərrüfatında qeydə alınıb.
Təsərrüfat sahibinin kürt ördəyinin yumurtadan çıxardığı balalardan biri qeyri-adiliyi ilə hamının təəccübünə səbəb olub. Belə ki, balanın hər iki ayağı tərsinə çevrildiyindən o, yalnız arxası üstündə qalarkən gəzməyə cəhd edir. Normal qaydada isə bala yeriyə bilmir. Şəxsi təsərrüfatında xeyli sayda quş saxlayan ev sahibinin sözlərinə görə, quşçuluqla məşğul olduğu uzun illik müddət ərzində ilk dəfədir ki, belə hadisə ilə qarşılaşır.
Mütəxəssislərin fikrincə, belə anomal hallar hər şeydən əvvəl quşda genetik formanın pozulması, mayalanmanın qeyri-normal şəraitdə olması ilə əlaqədardır. Burada həmçinin iqlim dəyişkənliyinin də müəyyən qədər təsiri mümkündür. Qeyd edək ki, bala ördək normal qidalansa da, gəzə bilmir.
Ağəddin Babayev
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
