Azərbaycanda II və III ixtisas qrupları üzrə qəbul imtahanında maksimum nəticə göstərərək 700 bal toplayan abituriyentlərin kimliyi və hansı təhsil müəssisəsini bitirməsi açıqlanıb. TQDK-nın mətbuat xidmətindən Lent.az-a verilən məlumata görə, iyulun 20-də II və III ixtisas qruplarının abituriyentləri (cari ilin məzunları) üçün keçirilmiş qəbul imtahanının nəticələrinə əsasən yalnız 2 nəfər maksimal nəticə göstərərək 700 bal toplayıb.
II ixtisas qrupunda 700 bal toplayanlardan biri Qədimbəyli Qoşqardır. O, Bakıdakı "Zəkalar" Liseyinin məzunudur. Digər 700 bal toplayan abituriyent isə Rzayev Samirdir. S.Rzayev Bakı Türk Liseyini bitirib.