Dövlət Sosial Müdafiə Fondunun (DSMF) sədri Elman Mehdiyev Qubada şimal bölgəsinin məcburi dövlət sosial sığorta ödəyiciləri və pensiyaçıları üçün qəbul keçirib. Bu barədə Lent.az-a Fonddan məlumat verilib. “Açıq qapı” şəraitində baş tutan qəbula gələn bütün vətəndaşların müraciətlər operativ qaydada araşdırılib və onların bir qismi yerindəcə həll edilib.
Bir sıra müraciətlər müəyyən dəqiqləşmələr, araşdırma tələb etdiyindən müvafiq tədbirlərin görülməsi barədə şəhər və rayon şöbələrinin rəhbərlərinə, Fondun digər vəzifəli şəxslərinə tapşırıqlar verilib.
Qəbula gələn vətəndaşların müraciətləri əsasən pensiyaların yenidən hesablanmasının bir sıra hüquqi aspektləri, müvafiq arxiv sənədlərinin olmaması səbəbindən keçmiş sovet dövründə işlədikləri müddətin əmək stajlarına əlavə edilməməsi kimi məsələləri əhatə edib. Müraciətlərin bir qismi isə pensiya növünün dəyişdirilməsi, güzəştli şərtlərlə yaşa görə pensiya təyinatı, fərdi şəxsi hesablarda qeydə alınan pensiya kapitalları, sosial sığorta və digər məsələlərlə bağlı olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
