Cəzaçəkmə müəssisələrində buraxılış imtahanı keçirilib

Tələbə Qəbulu üzrə Dövlət Komissiyası iyunun 2-də Ədliyyə Naziriliyi Penitensiar Xidmətinin tabeliyindəki 1, 2, 7, 10 və 11 saylı cəzaçəkmə müəssisələrində və Tərbiyə müəssisəsində fəaliyyət göstərən xüsusi ümumtəhsil məktəblərində də buraxılış imtahanı keçirib.

TQDK-nın mətbuat xidmətindən Lent.az-a verilən məlumata görə, həmin müəssisələrdə fəaliyyət göstərən 2, 20, 45, 82, 103 və 115 saylı xüsusi ümumtəhsil məktəblərində təhsil alan 9 və 12-ci sinif şagirdləri (156 nəfər ) ümumi qaydada imtahan verib.

Nəticələrə görə, həmin şagirdlərdən 16 nəfəri buraxılış imtahanında yaxşı nəticə əldə edərək bir və ya bir neçə fənndən “4” və “5” qiyməti alıb.