“Bakı Metropoliteni”nin 3 stansiyasında iş rejimi dəyişəcək

"Bakı Metropoliteni" "Formula-1" günlərində gücləndirilmiş rejimdə işləyəcək.

Bu barədə Lent.az-a “Bakı Metropoliteni” QSC-nin mətbuat xidmətinin rəhbəri Nəsimi Paşayev bildirib.

Onun sözlərinə görə, iyunun 17-19-da "28 May", "Sahil" və "İçərişəhər" metro stansiyalarında yarış ərazisinə yaxın olduğuna görə gücləndirilmiş iş rejimi tətbiq olunacaq: "Bu stansiyalarda girişə saat 02.00-dək icazə veriləcək. Digərlərində isə 00.00-dək girişə, 02.00-dək çıxışa icazə veriləcək”.