1917 nəfər kolleclərin boş qalan yerlərinə ixtisas seçimi edib

Avqustun 2-dən Tələbə Qəbulu üzrə Dövlət Komissiyası 2016/2017-ci tədris ili üçün ümumi (9 illik) orta təhsil bazasında orta ixtisas təhsili müəssisələrinin boş qalan yerlərinə tələbə qəbulu müsabiqəsində iştirak etmək üçün ixtisas seçimi elan edib.

Lent.az-ın məlumatına görə, avqustun 8-də başa çatacaq ixtisas seçimində indiyə qədər ümumilikdə 1908 nəfər iştirak edib. Onlardan 1852 nəfəri Azərbaycan, 65 nəfəri isə Rus bölməsinin abituriyentləridir.

Bildirək ki, boş qalan yerlərə qəbul olan abituriyentlərin qəbul olduqları təhsil müəssisələrində qeydiyyatı isı ixtisas seçimi başa çatdıqdan sonra 10-16 avqust tarixlərində həyata keçiriləcək.

Nəzərinizə çatdıraq ki, ixtisas seçimi Elanın tam mətni “Abituriyent” jurnalının xüsusi buraxılışında çap olunub.

Jurnalın bu xüsusi buraxılışında həmçinin “Abituriyentin elektron ixtisas seçimi ərizəsi"nin doldurulması və təsdiqi üçün təlimat və “Abituriyentin elektron ixtisas seçimi ərizəsi"nin nümunəsi, qəbul aparılan ixtisasların siyahısı, boş yerlərin sayı və s. məlumatlar Azərbaycan və rus dillərində dərc olunub.