Uşaqsız və subay qadınlar daha çox və xoşbəxt yaşayırlar – TƏƏCCÜBLÜ NƏTİCƏ

Uşaqsız subay qadınlar daha uzun və xoşbəxt yaşayırlar.

Lent.az-ın xarici mediaya istinadən məlumatına görə, bu təəccüblü nəticəyə London İqtisadiyyat Məktəbinin mütəxəssisi, davranış elmləri professoru Pol Dolan bir sıra elmi məqalələri təhlil etdikdən sonra gəlib.

Mütəxəssis qeyd edib ki, ali təhsil, sabit sevgi münasibətləri və uşaqlar kimi ənənəvi xoşbəxtlik simvolları artıq böyük sosial qrupların məmnunluğu ilə əlaqələndirilmir, baxmayaraq ki, evlilik və uşaqların qadınlar üçün uğur əlaməti olması fikri hələ də populyardır. Əvvəllər bunu daim eşidən gözəl ürəyin tənha nümayəndələri istər-istəməz özlərini bədbəxt hiss etməyə başlayırdılar, amma indi çox şey dəyişib və bu cür ifadələr artıq o qədər də travmatik deyil.

Üstəlik alimin apardığı araşdırmalar göstərib ki, cəmiyyətin ən sağlam və ən xoşbəxt alt qrupu heç vaxt ailə həyatı qurmamış və övladı olmayan qadınlardır. Evli qadınlar isə daha çox ruhi və fiziki xəstəliklərlə üzləşirlər və həyatlarından daha az məmnun olurlar.

Mütəxəssis əlavə edib ki, bu fərziyyə kişilərə şamil edilmir. Mütəxəssisin fikrincə, kişilər evlilikdən daha çox fayda əldə edir, çünki bu, guya onları sakitləşdirir. “Daha az risk edir, pul qazanır və daha uzun yaşayırlar. Qadınlar isə evlənəndə daha az yaşayırlar”, - Dolan bildirib.