Şamaxı-İsmayıllı yolunda hərəkət bərpa olundu - YENİLƏNİB-VİDEO

Güclü qar yağması və buzlanma ilə əlaqədar baglanan Şamaxı-İsmayıllı avtomobil yolunda hərəkət qismən bərpa olunub.

Lent.az APA-ya istinadla xəbər verir ki, əraziyə yol istismar idarəsinin əməkdaşları cəlb olunub və buzlanmaya qarşı tədbir görülüb. Tədbirlər hələ davam edir. Yolların əsasən İsmayıllı istiqamətində hələ də təhlükəli və buzlu olduğu barədə sürücülərə xəbərdarlıq edilir. Hazırda ərazidə küləklə müşayiət olunan güclü qar yağışı müşahidə olunur.

***

20.17

Yolların buz baglaması Agsu dolaylarında da müşahidə edilir.
Lent.az APA-ya istinadla xəbər verir ki, analoji problem Ağsu yolunda da müşahidə olunur.

***

20.18

Güclü yağan qar səbəbindən Şamaxı-İsmayıllı avtomobil yolu bağlanıb.

Lent.az APA-ya istinadla xəbər verir ki, hazırda ərazidə 200-dən artıq avtomobil yolda qalıb.

İlkin məlumatlara əsasən, Muğanlı dolaylarında qar daha keçilməzdir. Qarın qalınlığı 10 sm artıqdır, yollar buz bağlayıb. Əraziyə polis əməkdaşları cəlb olunub.

Yolların buz bağlaması səbəbindən ərazidə bir neçə zəncirvari qəzalar meydana gəlib.