Bakının məşhur kəndlərindən biri elektrik enerjisindən əziyət çəkir.
Yerli sakinlərin Lent.az-a verdiyi məlumata görə, Bakının Kürdəxanı qəsəbəsi, Ləhiş bağlarında (32-33-cü dalanlar) elektrik enerjisi tez-tez kəsilir.
Bundan başqa, verilən gərginlik də çox aşağıdır: "Yayda köçmüşük bağa, istirahət edək, təəssüf ki, dincələ bilmirik. Tez-tez işıqlar kəsilir. Olanda da gərginlik çox aşağıdır. Kondisioneri işlətməyə gücü çatmır. Dəfələrlə aidiyyəti qurumlara şikayət etmişik. Lakin şikayətimizə baxan yoxdur".
Məsələ ilə bağlı "Azərişıq" ASC-yə müraciət etdik. Qurumdan bildirildi ki, elektrik enerjisinin kəsilməsinə səbəb xəttlərin normadan artıq yüklənməsi ilə bağlıdır: "Yüklənməyə görə tez-tez qəzalar olur. Qarşısını almağa çalışırıq".
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
