Yaddaşlarda “qanlı yanvar” kimi qalan o gündən nə az, nə çox düz 33 il ötür. Söhbət Azərbaycan xalqının qəlbində dərin iz qoyan 20 Yanvar faciəsindən gedir.
Hər il olduğu kimi bu il də Şəhidlər Xiyabanı ərazisində 20 Yanvar faciəsinin ildönümü ilə əlaqədar hazırlıqlara başlanılıb.
Lent.az-ın əməkdaşı sözügedən hazırlıqları müşahidə etmək üçün Şəhidlər Xiyabanına yollanıb.
Şəhidlər Xiyabanı başdan-sonadək çiçəklərlə bəzədilib. Məzarların üzərinə güllər düzülüb.
Xiyaban ərazisində hazırlıqlar davam etsə də artıq insanlar buranı ziyarət etməyə başlayıblar. Havanın soyuq olmasına baxmayaraq, bu müqəddəs məkanı ziyarət edənlər arasında azyaşlılar daha çoxdur.
Xiyabanın girişində və bir neçə yerində çiçəklərdən müxtəlif kompozisiyalar yaradılıb. Xüsusilə ağ və qırmızı qərənfillərdən istifadə olunur.
Xiyabanda gəzdikcə işçilər daha çox diqqətimizi çəkdi. Belə ki, burada çalışanlar öz işlərinə xüsusi diqqət göstərirdi. Onların yanından keçərkən birinin sözü bizi dayandırdı…
“Hər il bu gülləri düzərkən 20 Yanvar günü gözümün önündən film kimi keçir”.
Elə bu sözündən məlum olur ki, bu xanım hər ilin bu günlərində 20 Yanvar faciəsinin anım günü üçün çalışır.
Biraz qəmli, bir o qədər də qürurlu ab-hava ilə yolumuza davam etdik.
_1673953974.jpeg)
Şəhidlər Xiyabanında olduqca geniş hazırlıqlar, abadlıq və təmizlik işləri görülür. Xiyabandakı hər iki məşəldə profilaktika aparılır.
Bu gün Şəhidlər Xiyabanını ziyarət edib bu xiyabanın tarixini, burada uyuyan insanların kimliyini bilməyən azərbaycanlı yoxdur.
Hər il olduğu kimi bu il də Azərbaycan xalqı günahsız insanların qətli ilə nəticələnən 20 Yanvar faciəsini dərin kədər və qürurla yad edir.
Hazırlıqlardan kadrları sizə təqdim edirik:
_1673953986.jpeg)
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
