İtaliya tədqiqatçıları dünyada koronavirusu məhv edə biləcək ilk peyvənd hazırladıqlarını bildiriblər.
Tədqiqatçılar tezliklə peyvəndin insanlar üzərində sınaqlarına başlamağı planlaşdırırlar. Peyvənd artıq gəmiricilər üzərində testdən keçirilib. Alimlər siçanlara iynə vurduqdan sonra onlardan anticisimlər götürüblər. Laboratoriya sınaqlarının ilkin nəticələri göstərib ki, anticisimlər koronavirusun insan hüceyrələrinə yoluxmasını dayandırmağa müvəffəq olub.
Lent.az AMEA saytına istinadən xəbər verir ki, peyvəndin hazırlanması ilə məşğul olan şirkətin rəhbəri dərmanın genişmiqyaslı sınaqlarının cari ilin payızında keçiriləcəyini açıqlayıb.