Ölkədaxili nəqliyyatda gənclər üçün güzəştlərin edilməsi təklif olunur
02 may 2011 16:01 (UTC +04:00)

Ölkədaxili nəqliyyatda gənclər üçün güzəştlərin edilməsi təklif olunur

Bu gün Gənclər üçün Təhsil Mərkəzində “Azərbaycan Gəncliyi 2011-2015-ci illərdə” Dövlət Proqramının hazırlanması ilə bağlı 3 gənclər təşkilatının birgə müzakirəsi keçirilib.

Gənclər üzrə Təhsil Mərkəzindən Lent.az-a verilən məlumata görə, müzakirəyə Gənclər üçün Təhsil Mərkəzinin, Azərbaycan Tələbələr Birliyinin və “Uğurlu gələcək” İctimai Birliyinin fəalları qoşulublar.

Müzakirə zamanı iştirakçılar Azərbaycan Respublikasının Prezidenti cənab İlham Əliyevin “Azərbaycan Gəncliyi 2011-2015-ci illərdə” Dövlət Proqramının hazırlanması ilə əlaqədar 6 aprel 2011-ci il tarixli sərəncamının imzalanmasını, dövlət orqanlarının və gənclər təşkilatlarının nümayəndələrindən ibarət işçi qrupun yaradılmasını, müvafiq qurumlarda bu tip ictimai müzakirələrin təşkil olunmasının yüksək qiymətləndiriblər.

Daha sonra cəmiyyətimizin aktiv təbəqəsi olan gənclərin təklifləri dinlənilmiş və onlar ətrafında müzakirələr aparılıb. Gənclərin müzakirələri nəticəsində aşağıdakı təkliflər meydana çıxıb:

- Gənclər üçün muzey, teatr və kinoteatrlarda güzəştlərin edilməsi;

- Ölkədaxili avtobus, dəmiryolu və hava yollarında gənclər üçün xüsusi güzəştlərin edilməsi;

- Regionlarda gənclər üçün ictimai İKT mərkəzlərinin yaradılması;

- Universitetlərdə təhsil alan gənclərin xüsusi iş qrafikləri (part time) ilə çalışa biləcəyi iş yerlərinin yaradılması;

- Azərbaycan Gənclər Portalının yaradılması;

- Gənclər sahəsində media qurumlarının formalaşdırılması;

- Gənclərin ideya yarmarkalarının təşkil olunması .

Təkliflər qısa müddət ərzində Gənclər və İdman Nazirliyinə təqdim olunacaq.
# 489

Oxşar yazılar