Xarici işlər naziri Elmar Məmmədyarov NATO-nun Qətiyyətli Dəstək Missiyasına töhfə verən ölkələrin Xarici İşlər Nazirlərinin iclasında iştirak etmək üçün Belçikaya səfər edəcək.
XİN-in mətbuat xidmətindən Lent.az-a verilən məlumata görə, Elmar Məmmədyarov mayın 20-də Brüsseldə keçiriləcək NATO-nun Qətiyyətli Dəstək Missiyasına töhfə verən ölkələrin Xarici İşlər Nazirlərinin iclasında iştirak edəcək. Sözügedən iclasda nazir Elmar Məmmədyarovun çıxışı və ikitərəfli görüşləri nəzərdə tutulub.