“Freedom House” anonim beynəlxalq təşkilatdır. Bu təşkilat Azərbaycana qarşı qərəzli mövqeyini mütəmadi olaraq davam etdirir”. Lent.az-ın məlumatına görə, bu barədə Yeni Azərbaycan Partiyasının icra katibinin müavini, deputat Siyavuş Novruzov bildirib.
O qeyd edib ki, bu təşkilat Azərbaycanda həbs olunan QHT rəhbərlərinin qeyri şərtsiz azad olunmasını tələb edir: “Onlar girov deyil ki, qeyd-şərtsiz azad edək. İstintaq davam edir və bu, hüquqi qaydada həll olunmalıdır”.
S. Novruzov deyib ki, Azərbaycandakı QHT-lər beynəlxalq təşkilatlardan alınan qrantların hesabatını verməlidir: “Biz orada Avropa Şurası Parlament Assambleyasının nümayəndələrindən soruşduq ki, niyə Rusiyanı səsvermə mandatından məhrum edirsiniz, amma Ermənistanı yox? Onlar bizə dedilər ki, Ermənistan Azərbaycan torpaqlarını işğal edəndə 1992-ci il idi. Azərbaycan isə 2001-ci ildən Avropa Şurasının üzvüdür”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
