Şeyx iranlı jurnalistlərlə görüşüb

İranın aparıcı mətbuat orqanlarının bir qrup əməkdaşı Qafqaz Müsəlmanları İdarəsində (QMİ) olub. İdarədən Lent.az-a verilən məlumata görə, jurnalistlər əvvəlcə Təzəpir məscidini ziyarət edib, kitabxanada saxlanılan qədim Quran nüsxələri və nadir əlyazmalarla tanış oldular.

Sonra qonaqları QMİ sədri, Şeyxülislam Allahşükür Paşazadə qəbul edib. Şeyxülislam Azərbaycan-İran münasibətlərinin tarixi, bugünkü durumu, ölkəmizdə din-dövlət münasibətləri və bu sahədə görülən işlər barədə iranlı mətbuat nümayəndələrinə məlumat verib.

Daha sonra QMİ sədri jurnalistləri maraqlandıran sualları ətraflı cavablandırıb.

Görüşün sonunda qonaqlara xatirə hədiyyələri təqdim edilib.