Səfər Əbiyev Polşa hərbi Komitəsinin sədri ilə görüşdü

Dekabrın 19-da Azərbaycanın müdafiə naziri general-polkovnik Səfər Əbiyev Polşa Respublikası Senatının Hərbi Komitəsinin sədri Boqdan Klixi qəbul edib. Müdafiə Nazirliyinin mətbuat xidmətindən Lent.az-a verilən məlumata görə, görüş zamanı hərbi əməkdaşlıq məsələlərinin perspektivləri, bölgədə hərbi-siyasi vəziyyət və Dağlıq Qarabağ münaqişəsinin sülh yolu ilə həll edilməsinə maneçilik törədən amillər barədə fikir mübadiləsi aparılıb.

Görüşdə Polşanın Respublikasının Azərbaycandakı fövqəladə və səlahiyyətli səfiri Mixal Labenda iştirak edib.