Putin Yaqub Eyyubovu mükafatlandırdı

Rusiya prezidenti Vladimir Putin altı xarici vətəndaşı dostluq və əməkdaşlığın möhkəmləndirilməsinə, iqtisadiyyat və mədəniyyət sahəsində əlaqələrin inkişafına böyük tövhə verdiklərinə görə dövlət mükafatı ilə təltif edib.

APA-nın “TASS”a istinadən verdiyi xəbərə görə, Rusiya prezidentinin fərmanına əsasən, Dostluq Ordeninə Azərbaycanın baş nazirinin birinci müavini Yaqub Eyyubov da daxil olmaqla 5 xarici vətəndaş layiq görülüb, daha bir nəfər isə Puşkin medalı ilə təltif edilib.