Prezidentdən Səudiyyə Ərəbistanı kralına BAŞSAĞLIĞI

Prezident İlham Əliyev Səudiyyə Ərəbistanının kralı Salman bin Əbdüləziz Al Səudaya başsağlığı məktubu yollayıb. Lent.az-ın AzərTac-a istinadən məlumatına görə, məktubda deyilir:

“Əlahəzrət, əziz qardaşım, Məkkə şəhərindəki Məscidül-Həramda baş vermiş faciə nəticəsində çoxsaylı insan tələfatı xəbəri bizi son dərəcə sarsıtdı.

Bu faciə ilə əlaqədar Sizə, həlak olanların ailələrinə və yaxınlarına şəxsən öz adımdan və Azərbaycan xalqı adından dərin hüznlə başsağlığı verir, yaralananlara və xəsarət alanlara şəfa diləyirəm.

Allah rəhmət eləsin!”.