Hərbçilərimiz beynəlxalq tədbirlərə qatılacaq

Azərbaycan Silahlı Qüvvələrinin nümayəndələri beynəlxalq tədbirlərə qatılacaqlar. Bu barədə Lent.az-a Müdafiə Nazirliyindən məlumat verilib.

İyulun 14-dən 18-dək Oberammerqau şəhərində (Almaniya) Quru Qoşunlarının döyüş hazırlığının qiymətləndirilməsi kursu, iyulun 25-dək Andermatt şəhərində (İsveçrə) Təkmilləşdirilmiş yay dağ təlimi kursu keçiriləcək.

Azərbaycan hərbçiləri həmçinin avqustun 1-dək Vişkov şəhərində (Çexiya) Komanda və qərargah kursunda iştirak edəcəklər.