Fotoreportyoru şübhəli şəxslə səhv salıblarmış…

Sentyabrın 18-də təxminən saat 19.00-da fotoreportyor Əhməd Muxtar saxlanılıb.

Meydan TV-nin məlumatına görə, bir qədər sonra o, sərbəst buraxılıb və bildirib ki, onu “kiminləsə səhv salaraq aparmaq istəyiblər, ancaq elə maşındaca yanlış adamı götürdüklərini biliblər”.

Onun sözlərinə görə, şəxsiyyət vəsiqəsinə baxdıqdan sonra bildirilib ki, ərazidə hansısa şübhəli şəxsi axtarırmışlar, səhvən Əhməd Muxtarı götürüblər. Kimliklərini bilmədiyi şəxslər ondan üzr istəyib və buraxıblar.