Elmar Məmmədyarov Türkiyə diplomatını qəbul edib

Bu gün xarici işlər naziri Elmar Məmmədyarov Türkiyə xarici işlər nazirinin müavini Fatih Ceylanı qəbul edib.

Xarici İşlər Nazirliyinin mətbuat xidmətindən Lent.az-a verilən məlumata görə, görüşdə iki ölkə arasında münasibətlərin hazırkı durumu, müxtəlif sahələr üzrə ikitərəfli əlaqələrin inkişaf etdirilməsi yolları və regionda gedən proseslərlə bağlı fikir mübadiləsi aparılıb.

Tərəflər Ermənistan-Azərbaycan münaqişəsini də müzakirə edib və münaqişənin həllində ATƏT-in Minsk Qrupunun fəaliyyətinin canlandırılmasını vacib sayıblar.