Elmar Məmmədyarov Brüsselə gedir

Azərbaycanın xarici işlər naziri Elmar Məmmədyarovun Brüsselə səfəri başlayır.

Xarici İşlər Nazirliyinin mətbuat xidmətindən APA-ya verilən məlumata görə, E. Məmmədyarovun başçılıq etdiyi nümayəndə heyəti Azərbaycan – Avropa İttifaqı (Aİ) Əməkdaşlıq Şurasının 13-cü iclasında iştirak edəcək.

Səfər çərçivəsində Aİ Genişlənmə və Avropa Qonşuluq Siyasəti üzrə Komissarı Stefan Füle, Kipr Respublikasının xarici işlər naziri Erato Kozaku-Markulislə görüşlərin keçirilməsi planlaşdırılır.

Səfərdə Azərbaycan – Aİ arasındakı münasibətlərin bütün aspektləri, o cümlədən siyasi, iqtisadi və humanitar məsələlər haqda müzakirələrin aparılması nəzərdə tutulub.