Arif Məmmədov Norveçə sığınır
06 iyun 2015 12:43 (UTC +04:00)

Arif Məmmədov Norveçə sığınır

O, Norveçin Azərbaycandakı keçmiş səfiri Steynar Gilə müraciət edib

 

 

İslam Əməkdaşlıq Təşkilatının Avropa İttifaqındakı nümayəndəsi Arif Məmmədov Norveçin Azərbaycandakı keçmiş səfiri Steynar Gilə müraciət edib.

 

 

“Qafqazinfo”nun verdiyi xəbərə görə, Steynar Gil özü bu barədə məlumat yayıb. O bildirib ki, müraciəti yayımlamağı Arif Məmmədov ondan xahiş edib.

 

A.Məmmədovun bu ilin iyunun 29-dan iyulun 10-a kimi Norveçdə olacağını və həmin müddət keçmiş səfirlə görüşmək istədiyini bildirib: “Avropa mediasının məni dəstəkləməsi lazımdır. Mənim Azərbaycandakı həqiqi dostlarımın köməyinə ehtiyacım var. Bu ümumi həyəcan siqnalıdır”.

 

Qeyd edək ki, Arif Məmmədov mayın 19-da Binəqədidə yanan bina ilə bağlı yazdığı statusla gündəmə gəlmişdi. YAP icra katibinin müavini Siyavuş Novruzov Arif Məmmədovla bağlı sərt açıqlama vermişdi: "Arif Məmmədovun qanında erməni qanı var və dərhal vəzifəsindən azad edilməlidir".

 

Xatırladaq ki, Steynar Gil isə səfir olduğu müddətdə hakimiyyəti qarşı mövqeyi ilə seçilib.

 

Sayt Xarici İşlər Nazirliyi və Arif Məmmədovla əlaqə saxlamağa çalışsa da, cavab əldə edə bilməyib.

 

1 2 3 4 5 İDMAN XƏBƏRLƏRİ
# 143
avatar

Oxşar yazılar