Məmmədyarov: "Danışıqlar ən tez zamanda başlamalıdır"

Xarici işlər naziri Elmar Məmmədyarov rusiyalı həmkarı Sergey Lavrovun qiymətləndirməsinə münasibət bildirib. Nazirlikdən Lent.az-a verilən məlumata görə, E. Məmmədyarov Rusiya Federasiyasının xarici işlər naziri S. Lavrovun qiymətləndirməsi ilə razı olduğunu deyib: “Dünən keçirilmiş danışıqlar münaqişənin həllinə dair bəlli olan mərhələli yanaşma əsasında substantiv danışıqlara başlamaq üçün yaxşı imkanlar yaradır. Bu danışıqlar mümkün olan ən tez bir zamanda başlamalı və regionun əhalisi və beynəlxalq ictimaiyyətin çoxdan gözlədiyi əsaslı nəticələr hasil edilməlidir”.