[b]KXCP sədri:[/b] “Boykotla bağlı məlumatların əsası yoxdur”

“Azərbaycanda keçiriləcək parlament seçkilərində iştirakla bağlı qərarımız var və bu qərara uyğun addımlar atırıq”.

Bunu APA-ya açıqlamasında Klassik Xalq Cəbhəsi Partiyasının (KXCP) sədri Mirmahmud Mirəlioğlu deyib.

O bildirib ki, KXCP-nin də təmsil olunduğu “Azadlıq - 2015” seçki bloku parlament seçkilərinə hazırlığını davam etdirir: “Bu baxımdan mətbuatda seçkiləri boykot edəcəyimiz barədə məlumatların heç bir əsası yoxdur. Biz qərarımıza uyğun olaraq seçkidə iştirak edəcəyik”.