<b>İsa Qəmbərin ürəyinə stentlər qoyulub</b>
15 yanvar 2018 11:48 (UTC +04:00)

İsa Qəmbərin ürəyinə stentlər qoyulub

“İsa Qəmbər ürəyində olan problemlə bağlı çox ağır vəziyyətdə xəstəxanaya yerləşdirilib. Tərəfimizdən dərhal müdaxilə edildi və onun ürəyinə stentlər qoyuldu”.

 

Bunu APA-ya açıqlamasında Mərkəzi Klinik Xəstəxananın kardioloqu Firdovsi İbrahimov deyib.

 

F. İbrahimov bildirib ki, İ. Qəmbər xəstəxanaya gətirilərkən problemi çox ciddi olub: “Bu gün artıq onun vəziyyəti müsbətə doğru dəyişməkdədir, müalicə prosesi davam edir. İsa Qəmbər bir neçə gün xəstəxanada qalacaq. Bütün lazımi tədbirlər görülüb. O, həkimlərin ciddi nəzarəti altındadır”.

 

Həkim qeyd edib ki, ürəkgücləndirici müalicələr davam etdiriləcək.

 

Qeyd edək ki, ötən həftə Milli Strateji Düşüncə Mərkəzinin sədri, Müsavat Partiyasının sabiq sədri İsa Qəmbər xəstəxanaya yerləşdirilib.

1 2 3 4 5 İDMAN XƏBƏRLƏRİ
# 226
avatar

APA Baycan

Oxşar yazılar