Oqtay Əsədov Türkiyədə səfərdədir

Lent.az-ın məlumatına görə, səfər çərçivəsində O.Əsədov və başçılıq etdiyi nümayəndə heyəti ilk olaraq Türkiyə Respublikasının öndəri Mustafa Kamal Atatürkün movzoleyi “Anıtkabir”i ziyarət edib.

Daha sonra O.Əsədov və onun başçılıq etdiyi nümayəndə heyəti Türkiyə Böyük Millət Məclisində olub. Burada o, TBMM-nın sədri Cəmil Çiçəklə görüşüb.

Heyətlərarası görüş zamanı Cəmil Çiçək iki ölkə arasında mövcud olan sıx əlaqələrdən, sözügedən əlaqələrin hər hansı iki dövlət arasındakı əlaqələr yox, xüsusi əlaqələr olduğundan və bu əlaqələrin daha da inkişaf etdirilməsinin zəruriliyindən söz açıb. O.Əsədov da öz növbəsində Azərbaycan və Türkiyə arasında qardaşlıq və dostluq əlaqələrinin tarixi köklərindən, iki ölkə parlamentləri arasındakı əlaqələrin daha da inkişaf etdirilməsinin zəruriliyindən, Azərbaycanın qanayan yarası olan Dağlıq Qarabağ problemi ilə əlaqədar Türkiyənin Azərbaycana olan dəstəyindən, Dağlıq Qarabağ probleminin həlli istiqamətində Azərbaycanın konstruktiv səylərindən və iki ölkə arasında hər sahədə olan əlaqələrin inkişafının güclü iki dövlət doğuracağından bəhs edib.