YAP “Müasir Azərbaycan-20” adlı yazı müsabiqəsi elan etdi
02 sentyabr 2011 17:06 (UTC +04:00)

YAP “Müasir Azərbaycan-20” adlı yazı müsabiqəsi elan etdi

Yeni Azərbaycan Partiyası (YAP) Azərbaycanın dövlət müstəqilliyinin bərpasının 20-ci ildönümü ilə əlaqədar gənclər arasında “Müasir Azərbaycan-20” adlı yazı müsabiqəsi keçirəcək. Lent.az-ın YAP-ın rəsmi saytına istinadən verdiyi məlumata görə, müsabiqədə yaşı 35-ə qədər olan hər bir Azərbaycan gənci iştirak edə bilər.

Yazılar xüsusi olaraq yaradılmış Münsiflər Heyəti tərəfindən yoxlanılacaq və qiymətləndiriləcək. Müsabiqənin qalibləri aşağıdakı formada mükafatlandırılacaq:

I yer - 1 nəfər 1500 manat

II yer - 1 nəfər 1000 manat

III yer - 1 nəfər 500 manat

Həvəsləndrici mükafat - 3 nəfər 300 manat

Qaliblərə YAP-ın xüsusi diplomları da təqdim ediləcək. Müsabiqəyə təqdim olunan bütün yazılar “Yeni Azərbaycan”, “İki sahil” və “Səs” qəzetlərində dərc olunacaq.
# 618

Oxşar yazılar