Liviya səfirliyi bayraq məsələsinə aydınlıq gətirdi

Lent.az-ın əməkdaşının verdiyi məlumata görə, səfirlik əməkdaşları bayrağı səfirlik binasının üstündən asıblar.

Liviya səfirliyinin müvəqqəti işlər vəkili Naci Qavala Keçid Hökumətinin bayrağının səfirlik üzərində qaldırılması ilə bağlı təlimatı fevral ayında aldıqlarını dedi: “Biz bu qərarı fevral ayının 22-də almışdıq. Sadəcə, qərarın icrası bu gün gerçəkləşdi. Liviya xalqı bu gün baş verən hadisələrə layiq deyil və biz bütün zorakılıq hallarını qınayırıq. Biz qarşıdurma hallarının əleyhinə olduğumuzu əvvəldən elan etmişdik”.