Viktor Yanukoviç Azərbaycana gəlib
28 aprel 2011 14:36 (UTC +04:00)

Viktor Yanukoviç Azərbaycana gəlib

APA-nın Azərbaycan Prezidentinin rəsmi saytına istinadən yaydığı məlumata görə, Ukrayna prezidentinin rəsmi qarşılanma mərasimi keçirilib. Hər iki ölkənin dövlət bayraqlarının dalğalandığı meydanda ali qonağın şərəfinə fəxri qarovul dəstəsi düzülüb. Fəxri qarovul dəstəsinin rəisi Azərbaycan prezidenti İlham Əliyevə raport verib. Daha sonra dövlət başçısı Ukrayna prezidentini qarşılayıb. Fəxri qarovul dəstəsinin rəisi Ukrayna prezidentinə raport verib. Hər iki ölkənin dövlət himnləri səsləndikdən sonra dövlət başçıları fəxri qarovul dəstəsinin qarşısından keçiblər. Ukrayna prezidenti Azərbaycan əsgərlərini salamlayıb. Azərbaycanın dövlət və hökumət nümayəndələri prezident Viktor Yanukoviçə, Ukrayna nümayəndə heyətinin üzvləri prezident İlham Əliyevə təqdim olunub. Fəxri qarovul dəstəsi hərbi marşın sədaları altında dövlət başçılarının qarşısından keçib. Daha sonra dövlət başçıları rəsmi foto çəkdiriblər.


Qeyd edək ki, səfər proqramına əsasən dövlət başçılarının təkbətək görüşü keçiriləcək. Daha sonra görüş nümayəndə heyətlərinin iştirakı ilə genişləndirilmiş tərkibdə davam etdiriləcək. Görüşdən sonra sənədlərin imzalanması mərasimi keçiriləcək və dövlət başçıları mətbuat üçün bəyanatla çıxış edəcəklər.
# 373

Oxşar yazılar