“Azərbaycanlılara qarşı soyqırımı təsdiqləyən minlərlə sənəd toplanıb”

Lent.az-ın məlumatına görə, bunu institutun direktoru Yaqub Mahmudov jurnalistlərə açıqlamasında bildirib.

O qeyd edib ki, Tarix İnstitutu əməkdaşlarının topladıqları bu sənədlərdə ermənilərin azərbaycanlılara qarşı soyqırım faktları açıq-aşkar təsdiqini tapıb. Bu sənədlərin istintaq araşdırılmasına böyük ehtiyacın olduğunu deyən Y.Mahmudovun sözlərinə görə, bununla bağlı ötən il baş prokuror Zakir Qaralovla danışıb. Əldə olunan razılaşmaya əsasən, birgə elmi istintaq araşdırmalar qrupu yaradılıb. Bu qrup ötən ilin mayından fəaliyyətə başlayıb və ilk işlər artıq ortadadır.

Mahmudov onu da bildirib ki, istintaq qrupu 1918 – 1920-ci illərdən 1992-ci il Xocalı soyqırımınadək ermənilərin azərbaycanlılara qarşı soyqırım qırğınlarını araşdırır. Məqsəd ermənilərin azərbaycanlılara qarşı soyqırım siyasətinin qurbanları barədə həm də Haaqa məhkəməsinə sənədlərlə birgə müraciətin hazırlanmasıdır.

Elxan SALAHOV