Ombudsmanın hesabatı dinlənildi
04 mart 2011 16:17 (UTC +04:00)

Ombudsmanın hesabatı dinlənildi

Lent.az-ın məlumatına görə, müvəkkil Elmira Süleymanovanın hesabat xarakterli təqdimatından sonra millət vəkilləri sənəddə əks olunanlara münasibət bildirib. Ancaq deputatlar arasında illik hesabatda insan haqlarına dair vəziyyətin hərtərəfli əks olunmamasından narazılıq edənlər də olub. Millət vəkili İqbal Ağazadə isə ombudsmanın illik hesabatını tənqid edib. Onun sözlərinə görə, hesabatda söz və mətbuat azadlığı, sərbəst toplaşma azadlığı sahəsindəki vəziyyət tam əhatə olunmayıb: “Əksinə, hesabatda bu vacib azadlıqlara dair məlumatlar sıxışdırılıb, əvəzində müvafiq icra hakimiyyəti orqanlarının il ərzində şikayət və müraciətlərin araşdırılması sahəsində gördüyü işlər gen-bol təhlil edilib”.


İqbal Ağazadə Bakı Şəhər İcra Hakimiyyətinin siyasi partiyaların piket, mitinq və yürüşlər keçirmək istəyi barədə müraciətlərinə mənfi cavab verməsinin obmudsmanın hesabatında əks olunmamasını böyük qüsur hesab edib.

Digər millət vəkili Elmira Axundova isə çıxışında ombudsmanın hesabatını normal və günün tələblərinə uyğun sənəd kimi dəyərləndirib. Amma o da hesabatda xeyli çatışmazlığın və qüsurun olduğunu söyləyib. Xanım millət vəkili deyib ki, son vaxtlar Azərbaycanın müxtəlif bölgələrində intihar hadisələrinin sayı artır. Ancaq ombudsmanın hesabatında bu barədə bir cümlə də olsun, yazılmayıb: “Mənim Elmira Süleymanovaya bir sualım odur ki, il ərzində Azərbaycanda intihar edən insanlarımızın sayı nə qədər olub? Bu yaxınlarda bir gün ərzində ölkədə 4 nəfər özünə qəsd edib. Ombudsman bu intiharların səbəblərini araşdırıbmı?”


YAP-çı millət vəkili Səyavuş Novruzov isə İnsan Hüquqları üzrə Müvəkkilin hesabatını öz səlahiyyətləri çərçivəsində hazırladığını bildirib. O qeyd edib ki, Elmira Süleymanovanın illik hesabatı real vəziyyəti özündə tam şəkildə əks etdirir.

Elxan SALAHOV
# 496

Oxşar yazılar

Ermənilər Daşkəsəni atəşə tutdu

Ermənilər Daşkəsəni atəşə tutdu

12 aprel 2024 , 18:54
Ermənilər Qarabağda niyə qalmadı?  - Paşinyan AÇIQLADI

Ermənilər Qarabağda niyə qalmadı? - Paşinyan AÇIQLADI

10 aprel 2024 , 13:18
Mehriban Əliyevadan Ramazan bayramı paylaşımı

Mehriban Əliyevadan Ramazan bayramı paylaşımı

10 aprel 2024 , 08:09
İlham Əliyevdən Ramazan bayramı paylaşımı

İlham Əliyevdən Ramazan bayramı paylaşımı

9 aprel 2024 , 21:05
Ermənilər Naxçıvanı  atəşə tutdu

Ermənilər Naxçıvanı atəşə tutdu

9 aprel 2024 , 18:37
Erməni tərəf Kəlbəcəri atəşə tutub

Erməni tərəf Kəlbəcəri atəşə tutub

9 aprel 2024 , 13:50
Erməni silahlıları Laçındakı mövqelərimiz atəşə tutub

Erməni silahlıları Laçındakı mövqelərimiz atəşə tutub

9 aprel 2024 , 09:08
Prezidentdən Ramazan təbriki

Prezidentdən Ramazan təbriki

8 aprel 2024 , 17:08