Prezident İlham Əliyev yeni səfirlərin etimadnamələrini qəbul edib -

Azərbaycan Respublikasının Prezidenti İlham Əliyev noyabrın 9-da ölkəmizdə yeni təyin olunan bir sıra səfirlərin etimadnaməsini qəbul edib. Lent.az-ın AzərTac-a istinadən verdiyi məlumata görə, prezident İlham Əliyev Ekvadorun ölkəmizdə yeni təyin olunan fövqəladə və səlahiyyətli səfiri Patrisio Alberto Çaves Savalanın, Müqəddəs Taxt-Tacın ölkəmizdəki apostol nunsisi Marek Solçinskinin, Tailand Krallığının fövqəladə və səlahiyyətli səfiri Rathakit Manathatın və Cənubi Afrika Respublikasının ölkəmizdə fövqəladə və səlahiyyətli səfiri Vika Mazvi Khumalonun etimadnaməsini qəbul edib.

Fəxri qarovul dəstəsinin qarşısından keçən səfirlər etimadnamələrini İlham Əliyevə təqdim ediblər.

Səfirlər ölkələrinin Azərbaycan ilə ikitərəfli münasibətlərin yüksək səviyyədə inkişaf etdirilməsində, əməkdaşlığın müxtəlif beynəlxalq təşkilatlar çərçivəsində genişləndirilməsində maraqlı olduğunu bildiriblər.

Prezident İlham Əliyev ölkəmizə yeni təyin olunan səfirlərə fəaliyyətlərində uğurlar arzulayıb.