Azərbaycanın Koreyadakı səfiri Seulun fəxri vətəndaşı oldu
05 noyabr 2012 14:34 (UTC +04:00)

Azərbaycanın Koreyadakı səfiri Seulun fəxri vətəndaşı oldu

Azərbaycan Respublikasının Koreya Respublikasındakı səfiri Rövşən Cəmşidov Seul şəhərinin meriyası tərəfindən “Azərbaycan Respublikası ilə Koreya Respublikası arasında münasibətlərin genişləndirilməsinə, o cümlədən mədəni mübadilə sahəsindəki xidmətlərinə, bir sıra mədəni tədbirlərin təşkil olunmasına və hər il keçirilən Seul Dostluq Sərgisində Səfirliyin fəal iştirakına görə Seul şəhərinin fəxri vətəndaşı” adı ilə təltif olunub. Xarici İşlər Nazirliyinin mətbuat xidmətindən Lent.az-a verilən məlumata görə, Seul şəhərinin meri Park Von Soon Rövşən Cəmşidova müvafiq sertifikatı, xatirə nişanını və fəxri vətəndaşlıq vəsiqəsini təqdim edib.

Qeyd edək ki, 1958-ci ildə təsis edilmiş “Seul şəhərinin fəxri vətəndaşı” adı bu şəhərdə ən azı üç il yaşayan əcnəbi vətəndaşlara şəhərin iqtisadi, ictimai-mədəni həyatına verdikləri töhfələrə görə təqdim edilir.
1 2 3 4 5 İDMAN XƏBƏRLƏRİ
# 1127

Oxşar yazılar