Ərəstun Oruclu da getdi... - BƏYANAT

Lent.az-ın verdiyi məlumata görə, Ərəstun Oruclu istefa qərarını bu dəqiqələrdə “Facebook” sosial şəbəkəsindəki səhifəsində paylaşıb.

Ərəstun Oruclu qeyd edib ki, İctimai Palata və onun Koordinasiya Şurasının fəaliyyəti ətrafında, İctimai Palata ilə hakimiyyət arasında müəyyən anlaşmalar olması barədə mətbuatda yayılan məlumatlar və İctimai Palatanın Koordinasiya Şurası tərəfindən bu məlumatlara heç bir münasibət bildirilməməsi, bu qurumun fəaliyyətində sistemsizlik və böhranın getdikcə dərinləşməsi onda dərin təəssüf və məyusluq hissi doğurur: “İctimai Palata yarananda bu qurumun Azərbaycanın gələcəyi naminə qarşısına qoyduğu vəzifələri əsas götürüb oraya üzv olmuşam, lakin yuxarıda göstərdiklərim və bu qurum haqqında dolaşan ziddiyyətli bilgilər məni İctimai Palata üzvlüyündən istefa verməyə məcbur edir. Mən İctimai Palata üzvlüyündən istefa verirəm və bu andan etibarən müstəqil müxalif siyasi fəaliyyətə keçirəm. Müxalifət mövqeyində qalan, prinsiplərinə, amallarına sadiq olan, İctimai Palata üzvü olan və olmayan bütün məsləkdaşlarıma Vətənimizin və millətimizin azad, demokratik gələcəyi uğrunda mübarizəmizdə uğurlar arzulayıram!”