Prezident İlham Əliyev Erik Rubini qəbul edib

Lent.az-ın AzərTAC-a istinadən verdiyi məlumata görə, görüşdə Azərbaycan Respublikası ilə Amerika Birləşmiş Ştatları arasında ikitərəfli münasibətlərin müxtəlif sahələrdə inkişafından məmnunluq ifadə edilib, iqtisadi sahədə əlaqələrimizin daha da genişləndirilməsi üçün böyük imkanların olduğu vurğulanıb.

Görüşdə ölkələr arasında enerji sahəsində yüksək səviyyəli əməkdaşlığın önəmi qeyd olunub, Ermənistan-Azərbaycan, Dağlıq Qarabağ münaqişəsinin nizama salınması ilə bağlı danışıqların hazırkı vəziyyəti və digər məsələlər ətrafında fikir mübadiləsi aparılıb.