Elmar Məmmədyarov ABŞ, İsrail və Koreyanın yeni təyin edilmiş səfirlərini qəbul etdi

Bu gün xarici işlər naziri Elmar Məmmədyarov Amerika Birləşmiş Ştatlarının ölkəmizə yeni təyin olunmuş səfiri Riçard Morninqstarı qəbul edib.

Xarici İşlər Nazirliyinin mətbuat xidmətindən Lent.az-a verilən məlumata görə, Elmar Məmmədyarov bu gün İsrailin ölkəmizə yeni təyin olunmuş səfiri Rafael Harpazı və Koreyanın ölkəmizə yeni təyin olunmuş səfiri Çoy Suk-İnni də qəbul edib.

Keçirilən görüşlərdə Azərbaycanla bu ölkələr arasındakı mövcud münasibətlər və münasibətlərin gələcək inkişaf perspektivləri müzakirə olunub.

Elmar Məmmədyarov yeni təyin olunmuş səfirlərə işlərində uğurlar arzulayıb.